Ois ersts mecht i mi vorstelln,
des fallt ma ned schwar,
i bin da Hias aus Hiendorf,
und a grouß Mei howe a!

Allgemein:
Sche dassds auf meiner Seitn vorbei schauts, und mi bsuachts. I bin da Riegler Hias aus Hiendorf bei Mindelstetten, oiso aus Oberbayern, und a 85er Johrgang. Im richtigen Lebm arwad i ois Mausschubser in da Union. I hob weder Frau noch Kind, weil d'Hauptsach is, dass Bayern gwinnt!

Musik:
I mog (fast) jede Art von Bayrischer Unterhaltungsmusik und Kabarettisten. Bsonders faszinieren duad mi die "Bayrische Königsdisziplin", as Gstanzlsingen. Egal ob allgemeine, auf eine Person zugeschnittene, oder dass "geistige Boandl-hakln" (gegenseitiges Aussingen): wenne Gstanzl hör, werd für mi ois andere zur Nebensach!
Selbst spuin dua i Steirische (seit Januar 2008), Akkordeon (seit August 2006) und Gitarre (seit Januar 2009) allerdings hob i dabei nie Unterricht gehabt, weil i mir des liaba selber lerna mog. Ausserdem blos i ab und zu auf meim Opa seiner Mundharmonika rum, und ois Kind hobe 4 Jahre Orgelunterricht ghabt.

Programm:
Von Gstanzl, bis zu bayrischen Volkslieder, von Schunkelrunden bis zu lustigen Liedern, von Witzen bis zu Trinksprüchen, und von lustigen Gschichtn bis zu Gaudi-Spielen hob i ois im Programm. I spui für di auf Geburtstagsfeiern, Betriebsfeiern, Hochzeiten, oder wos immer du hom wuist! Ruf mi einfach o - dann kimma wos ausmacha!